Катардың астанасы Дохада Астана форматы аясындағы Сирия бойынша келіссөздерге қатысушылар саяси үдеріс аясында қақтығысты тоқтату қажеттігін атап өтті. Бұл туралы Al Jazeera хабарлайды.
«Саяси процесс әскери шиеленісті болдырмауға және бірлік пен егемендікті қорғауға тиіс», — делінген мәлімдемеде.
Бұған қоса, келіссөзге қатысушылар саяси үдеріс сириялық босқындар мен қоныс аударғандардың өз еркімен оралуын қамтамасыз етіп, оларды хаос пен лаңкестіктен қорғауы керек екенін атап өтті. Мәлімдемеде кеңесулердің Сирия халқының қауіпсіздік пен әділеттілік қалауларына жауап беретін саяси шешім іздеуді жалғастыратыны айтылды. Сенбі күні Ресей Сыртқы істер министрі Сергей Лавров Ресей Түркия және Иранмен бірге Сириядағы шиеленісті азайту үшін қадамдар жасайтынын атап өтті.
2011 жылдан бері Сирияда қарулы қақтығыс жүріп жатыр. Астана форматы деп аталатын Астанадағы келіссөздер 2017 жылдан бері жалғасуда. Астана форматына Ресей, Иран және Түркия, сондай-ақ Сирия үкіметі мен оппозиция өкілдері, Біріккен Ұлттар Ұйымы мен бақылаушы елдер – Иордания, Ливан және Ирак қатысуда. . Дохада Астана аясындағы келіссөздер 7 және 8 желтоқсанда өтуде.