Қазақстан ауылшаруашылық жерлерін суару үшін Тәжікстаннан 500 миллион текше метрге жуық су алды. Бұл туралы ҚР Су ресурстары және ирригация министрлігінің сайтында айтылған. «1 маусымнан бері Тәжікстан «Достық» федералды каналы арқылы Қазақстанға 488,6 миллион текше метр су жіберді», — деп хабарлады министрлік. Бұл өткен жылмен салыстырғанда 40 миллион текше метрге артық». Айта кетейік, жақында Қазақстан Президенті Қасым-Жомарт Тоқаев Тәжікстанға барып, мемлекет басшысымен екіжақты келіссөздер жүргізді. Сонымен қатар, тараптар су саласындағы ынтымақтастықты да талқылады. Қазақстанның Су ресурстары және ирригация министрі Нұржан Нұржігітов атап өткендей, Душанбе Астана үшін маңызды серіктес болып табылады. Тоқаевтың Тәжікстанға сапары барысында Орталық Азиядағы екі ел арасында одақтастық мәртебесін белгілейтін келісімге де қол қойылды. Бұл келісім Қазақстан мен Тәжікстан арасындағы саяси, экономикалық және мәдени ынтымақтастықты арттыруды көздейді.
