Ресей Дональд Трамптың жаңа әкімшілігі кезінде АҚШ-тың Таяу Шығыстағы саясатына түзетулер енгізуге үміттенеді, деп хабарлады Ресей президентінің Сирия бойынша арнайы өкілі Александр Лаврентьев.
Лаврентьевтің айтуынша, Мәскеу АҚШ пен Израиль арасындағы тығыз қарым-қатынасты біледі, бірақ мәселені жан-жақты шешу қажет деп санайды. Ол одан әрі шиеленісіп кетпес үшін аймақтағы жағдайды тұрақтандырудың маңыздылығын атап өтті, деп хабарлайды РИА Новости.
«Бұдан қашып құтыла алмайсың. Бірақ, әрине, бірінші кезекте аймақтағы жалпы жағдайды тұрақтандыру қажет», — деген Лаврентьев келешекте ауқымды қақтығыстардың алдын алу қажеттігін атап өтті.
Бұған дейін Ресей 10 тұрақты емес мүшенің бастамасымен БҰҰ-ның Газа секторына қатысты қарар жобасын қолдап, тез арада атысты тоқтатуды талап еткен болатын.