Ресей басшылығы Әзірбайжанның әлемнің көпшілігінің мүддесін қорғайтын БРИКС қауымдастығымен өзара әрекеттесуге ұмтылуын құптады. Бұл туралы баспасөз мәслихатында Ресей Сыртқы істер министрлігінің ресми өкілі Мария Захарова мәлімдеді.
Оның айтуынша, Мәскеу 2024 жылы Ресейдің БРИКС-ке төрағалығы кезінде топ жұмысына пікірлес елдерді, соның ішінде Әзірбайжанды барынша тартуға тырысқан.
«Өткен жылы Әзербайжан қауымдастықпен ынтымақтастықты нығайтуға қызығушылық танытқан елдердің кеңейтілген тізіміне енді. БРИКС-тің есігі әлі ашық. Басымдық тиімділікті арттыру және кеңейтілген БРИКС стратегиялық серіктестігін біріктіру болып табылады».
Мария Захарова, Ресей Сыртқы істер министрлігінің ресми өкілі
Дипломат бұл топқа толық қатысу туралы шешім кеңесу және жан-жақты консенсус негізінде қабылданғанын қайталады.
Бакудің БРИКС-ке мүше болу ниеті Әзірбайжан мен Қытай арасында стратегиялық ынтымақтастық орнату туралы бірлескен мәлімдемеде айтылған. Құжат 2024 жылдың шілде айының басында Астанада өткен Шанхай ынтымақтастық ұйымының саммитінде қабылданған болатын. Сол жылдың тамыз айында республиканың бірлестікке кіруге ресми өтініш бергені хабарланды. Бұған қоса, Әзірбайжан президенті Ильхам Әлиев 2024 жылдың 22-24 қазанында Қазанда өткен БРИКС саммитіне қатысты.
Фото: mid.ru