Мемлекеттік Дума Росфинмониторинг террористер мен экстремистер тізіміне қоса алатын қылмыскерлер тізімін кеңейтті. Депутаттар үкіметтің заң жобасын екінші және үшінші оқылымда мақұлдады, деп хабарлайды ҚазАқпарат.
Бұл құжат экстремистік әрекетті қаржыландыруды қамту үшін қылмыстық жолмен алынған кірістерді жылыстатуға және терроризмді қаржыландыруға қарсы заңдарды кеңейтеді. Росфинмониторинг экстремизмді қаржылай қолдайтын жеке тұлғалардың есепшоттары туралы несиелік ұйымдардың ақпаратына қол жеткізе алады.
Экстремистік санатқа жатқызылған қылмыстар тізбесіне адам өлтіру, денсаулыққа қасақана зиян келтіру, азаптау және денсаулыққа ауыр зиян келтіру, бұзақылық, егер бұл әрекеттер саяси, ұлттық, нәсілдік немесе діни өшпенділіктен жасалған болса, баптар енгізіледі. Сондай-ақ тізімге әскерилер туралы жалған ақпарат таратып, әскерилердің беделін түсіргені, геноцид жасағаны және аумақтық тұтастықты бұзуға бағытталған әрекеттері үшін сотталғандар да болады.