Түркіменстан президенті Сердар Бердімұхамедов қазақстандық әріптесі Қасым-Жомарт Тоқаевты Ашхабадтағы халықаралық форумға қатысуға шақырды. Онда түркімен ақыны Магтымгулы Фрагидің туғанына 300 жыл толады, деп хабарлады «МИР 24» телеарнасы.
Мемлекеттер басшылары сауда-экономика, энергетика, мұнай-газ, көлік және логистика салаларындағы ынтымақтастықты дамыту перспективаларын да талқылады. Екі президент мәдени-гуманитарлық байланыстарды кеңейту мәселесіне ерекше назар аударды.
«Қазақстан-Түркіменстан қарым-қатынастары табысты дамып келеді және стратегиялық серіктестік деңгейіне толық сәйкес келеді. Мемлекеттеріміз арасындағы жан-жақты қарым-қатынасты нығайтуға деген ынта-жігеріңіз бен қолдауыңыз үшін Сізге алғысымды білдіргім келеді. Жоғарыда айтқанымдай, экономикалық ынтымақтастық жоғары бағытта дамып келеді. Үкіметтер екіжақты тауар айналымының көлемін 1 миллиард долларға дейін ұлғайту үшін жұмыс істеп жатыр. Біздің елдерде мұны жасауға толық мүмкіндік бар», – деді Қасым-Жомарт Тоқаев.
«Түркіменстан Қазақстанмен ынтымақтастыққа үлкен мән береді. Сердар Бердімұхамедов: «Елдеріміз арасында белсенді саяси диалог орнатылды, сауда-экономикалық және мәдени-гуманитарлық салаларда қарым-қатынастар дамып келеді.
Түркіменстан Президенті Орталық Азия мемлекеттері басшыларының VI Консультативтік конференциясына қатысу үшін Астанаға келді.