МӘСКЕУ, 13 қараша. Мәскеуде Ресей қорғаныс министрі Андрей Белоусов пен Ұжымдық қауіпсіздік шарты ұйымының (ҰҚШҰ) Бас хатшысы Иманғали Тасмағамбетов әскери ынтымақтастық пен даму перспективалары, Астанадағы кездесуге дайындық барысы мәселелерін талқылады. Бұл туралы Ресей қорғаныс министрлігі хабарлады.
«2024 жылғы 13 қарашада Мәскеуде Ресей Федерациясының Қорғаныс министрі Андрей Белоусов пен ҰҚШҰ Бас хатшысы Иманғали Тасмағамбетовтың жұмыс кездесуі өтті. Кездесу барысында Ұйым аясындағы әскери ынтымақтастықтың ағымдағы мәселелері мен оны дамыту перспективалары, сондай-ақ Астанада өтетін Ұжымдық қауіпсіздік кеңесінің отырысына дайындық барысы талқыланды», — деді олар.