Суретті түсірген: ortcom.kz
Шанхай Ынтымақтастық Ұйымының (ШЫҰ) делегациясы Қазақстанда атом электр стансаларын салу жөніндегі референдумды бақылау жұмысын аяқтады. Халықаралық бақылаушыларды қолдау орталығында өткен баспасөз мәслихатында делегация мүшелері нәтижелерді қорытындылады, деп хабарлайды Turantimes.kz сайтына сілтеме жасап. ortcom.kz.
ШЫҰ бақылаушысының қорытынды мәлімдемесін делегация басшысы, ШЫҰ Бас хатшысының орынбасары Олег Копылов мәлімдеді. Айта кетерлігі, Қазақстанда референдум өткізуге, оның ішінде мүмкіндігі шектеулі азаматтарға да барлық жағдай жасалған. Олег Копыловтың айтуынша, АЭС салуды жақтаушылар мен қарсылар бұл мәселе бойынша емін-еркін үгіт жүргізіп, референдумға шығарған.
«Баламалы платформалардың іске қосылуы Қазақстан Республикасы Үкіметінің еркін білдіру бостандығын қамтамасыз ету бойынша практикалық шараларын көрсетеді», – деп атап өтті спикер.
Делегация мүшелері байқаушылардың өздері таңдаған 35 елді мекенде болды. ШЫҰ байқаушылары делегациясының басшысы дауыс берудің тыныш және белгіленген тәртіпке сай өткенін айтты. Бақылау жұмысы барысында топ мүшелерінен шағымдар мен ескертулер түскен жоқ.
«Делегация референдумның ашық және айқын жағдайда, азаматтық қоғам өкілдерінің белсенді қатысуымен және халыққа қолайлы жағдай жасалғанын атап өтті. Делегация Қазақстанда атом электр стансасын салу бойынша республикалық референдум қолданыстағы заңнамаға және Қазақстан Республикасы қабылдаған халықаралық міндеттемелерге сәйкес өткенін мәлімдеді. Делегация Қазақстанда атом электр станциясын салу жөніндегі референдумды ашық, еркін және заңды деп таныды. Делегация референдумның Қазақстан Республикасындағы демократиялық үдерістерді одан әрі дамыту жолындағы маңызды қадам екенін атап өтті», — деді. – Мәлімдемені делегация басшысы, ШЫҰ Бас хатшысының орынбасары Олег Копылов оқыды.