Суретті түсірген: Akorda.kz
Мемлекет басшысы Қасым-Жомарт Тоқаев Қырғызстан Президентіне Тәуелсіздік күніне орай құттықтау жолдады, деп хабарлайды Turantimes.kz.
Қасым-Жомарт Тоқаев Садыр Жапаровты және Қырғызстан халқын Тәуелсіздік күнімен құттықтады.
Құттықтау хатында Мемлекет басшысы егемен Қырғыз Республикасының тарихындағы бұл маңызды күн мемлекеттің институттарын одан әрі нығайту мен ілгерілеудің мызғымас негізі болып табылатынын атап өтті. Ол сондай-ақ стратегиялық серіктестік пен одақтастық рухына толық сәйкес келетін Қазақстан-Қырғызстан ынтымақтастығының дамуын жоғары бағалады.
Қазақстан Президенті Қырғызстан басшысына жауапты мемлекеттік қызметінде одан әрі табыс, ал бауырлас Қырғызстан халқына бақыт пен гүлдену тіледі.