Фото авторы: ҚР МКҚК
Бұл туралы Орталық коммуникациялар қызметінде өткен баспасөз мәслихатында «ҚазАвтоЖол» ҰК» АҚ директорлар кеңесінің төрағасы Дархан Иманашев мәлім етті, деп хабарлайды Turantimes.kz.
Баяндамашы айтқандай, жол құрылысының барлық кезеңдерінде жол сапасына ерекше көңіл бөлінеді. 2024 жылы мердігерлер салған жобаларда 2900 ақау табылса, оның 2700-і түзетілді. Қалған ақауларды жою жұмыстары жалғасуда.
«Ағымдағы 255 жол құрылысының сапасын тексеруге 42 техникалық байқаушы компанияның 489 сарапшысы қатысты. 2024 жылы сапасыз құрылысқа 136,3 млн теңге айыппұл салынып, 10 маман жұмыстан шығарылды.«, деді ол.
Сондай-ақ, Республикалық автожолдарды орташа қалпына келтіру және жөндеу жұмыстарының дұрыс жүргізілмеуі салдарынан сот шешімімен 8 мердігер компания жосықсыз компаниялардың тізіміне енгізілді.