Фотоның авторы: gov.kz/ ҚР МТҒЗИ
30 тамызда Қазақстан Конституция күнін атап өтеді. Осыған байланысты бұл күн демалыс күні болып табылады, деп хабарлайды Turantimes.kz.
«Азаматтарға арналған үкімет» мемлекеттік корпорациясы 30 тамыз, жұма күні халыққа қызмет көрсету орталықтары, оның ішінде мамандандырылған орталықтар да жұмыс істемейтінін хабарлады.
31 тамыз кезекші қызмет көрсету орталықтары мен арнайы қызмет көрсету орталықтары үшін жұмыс күні болады. Олар сағат 9:00-ден 13:00-ге дейін жұмыс істейді.
Дүйсенбіден, 2 қыркүйектен бастап орталықтар әдеттегі кесте бойынша – сағат 9.00-ден 18.00-ге дейін, халыққа қызмет көрсету орталықтары тікелей – 20.00-ге дейін азаматтарды қабылдайды.
Бұл ретте арнайы қызмет көрсету орталықтары жұмыс күндері кешкі сағат 18:00-ге дейін, сенбі күні кезекшілер 13:00-ге дейін жұмыс істейді.