Суретті түсірген: primeminister.kz
Үкімет дәрілік заттарды таңбалау және жеткізуді бақылау жүйесінің аралық нәтижелерін қарады. Қазақстан Республикасы Премьер-Министрінің орынбасары Тамара Дүйсенованың төрағалығымен өткен кеңеске Денсаулық сақтау министрлігі, «СК Фармацевтика» және «Қазақстантелеком» компанияларының өкілдері қатысты, деп хабарлайды Turantimes.kz Primeminister.kz сайтына сілтеме жасап.
Денсаулық сақтау вице-министрі Ербол Оспановтың айтуынша, жүйе қолданылған уақыттан бері медициналық мекемелер 16,5 миллионнан астам, дәріханалар 21,5 миллионнан астам пакеттерді қабылдап, сонымен бірге 12 миллионға жуық қорап дәрі-дәрмек сатты. .
Үкімет атап өткендей, дәрілік заттарды таңбалау және бақылау жүйесі өндірілген немесе елге әкелінетін әрбір дәріні айналымнан толық алып тастағанға дейін онлайн режимінде тасымалдау процесін қашықтан бақылауға мүмкіндік береді.
«Басты мақсат – халықты қауіпсіз әрі сапалы дәрі-дәрмекпен қамтамасыз ету. Ашық бақылау контрафактілік препараттардың айналымға түсуіне жол бермейді және Денсаулық сақтау министрлігі мен жергілікті денсаулық сақтау органдарына медициналық мекемелерді дәрі-дәрмекпен қамтамасыз ету деңгейін бақылауға мүмкіндік береді. Сондай-ақ, бұл дәрі-дәрмектің мақсатын қадағалауға мүмкіндік беретінін атап өткім келеді. Сондықтан бұл механизмді барынша пайдалану үшін тиісті шаралар қажет.«, — деді Тамара Дүйсенова.