Фото: polisia.kz
ҚР ІІМ Ұлттық ұлан қалалық бригадасының сарбаздары баланы қоғамдық тәртіпті сақтау кезінде жалғыз өзі байқап, анасына тапсырды, деп хабарлайды Turantimes.kz тілшісі.
Оқиға 24 тамыз күні сағат 19:15-те болған. Бұл туралы Polisia.kz жазады. Әскери бөлім командирі қатардағы жауынгер Әділ Смайыл патрульшілер Нұрлыхан Асанбай және Самандар Ералиевпен бірге Астананың Есіл ауданында кезекшілікте жүргенде радиоға баланың жоғалғаны туралы жедел хабарлама келіп түскен.
– Жоғалған баланың белгілерін білген соң бірден іздеуге кірістік. 20 минуттық белсенді іздеуден кейін біз мәтіндік хабарламадағы белгілерге сәйкес келетін және жалғыз келе жатқан баланы байқадық. Осыдан кейін дереу хабарласып, баланы анасына тапсырдық», – дейді әскери бөлім бастығы Әділ Смайыл.
Балақайдың анасы балаларға кәсіби көмек көрсеткені үшін алғысын білдірді.