Сурет көзі: Midjourney нейрондық желісі арқылы жасалған кескін
Алматы облыстық Төтенше жағдайлар департаментінің баспасөз қызметі аудан тұрғындары мен туристерге қар көшкіні туралы ескертті, деп хабарлайды Turantimes.kz.
Төтенше жағдайлар департаментінің мәліметінше, Алматы облысының таулы аймақтарында 23-26 желтоқсан аралығында қар көшкіні жүру қаупі сақталады.
«Төтенше жағдайлар департаменті қала тұрғындарын, туристер мен демалушыларды қар көшкіні болуы мүмкін болғандықтан қар басқан беткейлерге шықпауға, таулы аймақта барлық қауіпсіздік шаралары мен тәртіпті сақтауға шақырады. Алматы облысының аумағында Еңбекшіқазақ, Талғар және Қарасай өңірлерінде Іле-Алатау тау жотасының оңтүстік беткейлерінде орналасқан 55 қар көшкіні қаупі бар аумақтар бар. Қар көшкіні негізінен ауа температурасының көтерілуіне және жаңбыр мен қар түріндегі жауын-шашынның көп түсуіне байланысты болады.«, деп хабарлады министрлік.