Фото авторы: Амандық САҒЫНТАЙҰЛЫ
Астанада алаяқ аула сыпырушының атына заңсыз несие берген, деп хабарлайды Turantimes.kz тілшісі.
Жәбірленушінің айтуынша, күдікті оған көшеде келіп, интернетте жиі кездесетін алаяқтық жағдайларын айтып, оның сеніміне кіре бастаған. Әңгімелесу барысында ол «көмектесуді» ұсынып, несие тарихын жақсарту үшін телефон нөмірін сұраған. Құрылғыны иемденген соң, алаяқ ер адамның атына қарызға ақша алып, телефонын қайтарып, кетіп қалған. Қала тұрғыны алаяқтықтың құрбаны болғанын несиені қайтару керектігі туралы смс-хабарлама алған кезде ғана білген.
Polisia.kz хабарлағандай, Нұра аудандық криминалдық полиция бөлімі жедел іздестіру барысында 34 жастағы ер адамды анықтады. Аталған факті бойынша қылмыстық іс қозғалды. Бұған дейін оның дәл осындай алаяқтыққа кінәлі екені анықталды.