Израильдің Бас қауіпсіздік агенттігінің басшысы Ронен Бар Газа секторындағы атысты тоқтату және кепілге алынғандарды босату туралы келіссөздер жүргізу үшін Каирге жасырын келді.
Бұл туралы Уолла порталы жазады.
«Ронен Бар жексенбі күні жасырын түрде Каирге барып, Мысыр барлау қызметінің басшысы Аббас Камелмен кездесті. Келіссөздер басқа мәселелермен қатар кепілге алынғандарды босату жөніндегі келіссөздердің тығырыққа тірелуіне қатысты», — делінген құжатта дереккөзге сілтеме жасап.
Сонымен қатар, тараптар Филадельфия дәлізі мен Рафах бақылау-өткізу пункті төңірегіндегі дағдарысты, сондай-ақ Хамас жетекшісі Яхья Синвармен байланысты қалпына келтіру жолдарын талқылады.
Айта кету керек, бұл мәселеге қатысты ресми мәлімдеме жасалмаған.
Бұған дейін хабарланғандай, АҚШ әкімшілігі әлі де палестиналық Хамас қозғалысы мен Израиль арасында атысты тоқтату және кепілге алынғандарды босату туралы келісімді мүмкін деп санайды.