Фото автор: «Самұрық-Қазына» қорының Telegram арнасы
Өткен жылға дейін кәсіпкер Қайрат Боранбаевтың меншігінде болған және мемлекет меншігіне өткен «АзияГаз Чунджа» кәсіпорнын «Самұрық-Қазына» корпорациясы сатып алуы мүмкін, деп хабарлайды Turantimes.kz Қазақстан көлік биржасының баспасөз қызметіне сілтеме жасап.
QazaqGaz ҰК акционерлік қоғамы «AsiaGas Chundzha» ЖШС жарғылық капиталының 100 пайызы «Самұрық-Қазына» акционерлік қоғамы директорлар кеңесінің қарауына ұсынылғанын хабарлады. Қазіргі уақытта QazaqGaz AsiaGas Chundzha компаниясының жалғыз акционері болып табылады.
«Самұрық-Қазына» акционерлік қоғамы «AsiaGas Chundzha» акцияларын сатып алғаннан кейін компания QazaqGaz-дың 1000 жай акциясын шығарып, сатуды жоспарлап отыр. Бір жай акцияның бағасы 9 294 167 теңгені құрайды.
Еске салайық, бұған дейін «АзияГаз Чунджа» ЖШС Қайрат Боранбаевқа тиесілі болған. 2023 жылы тергеу барысында ол «АзияГаз Чунджа» компаниясын өз еркімен мемлекет меншігіне өткізген. Компания тауарлық газды тасымалдау және сату саласында жұмыс істейді. Компанияның нарықтық құны шамамен 14 миллиард теңгені құрайды.