Минеральные воды-Ереван бағытында келе жатқан Red Wings әуе компаниясының ұшағы Минеральные Воды әуежайына шұғыл қонды.
Ресей Төтенше жағдайлар министрлігінің Ставрополь өлкесі бойынша бас басқармасына сілтеме жасап РИА Новости хабарлағандай, алдын ала мәлімет бойынша, ауаны баптау жүйесінің дұрыс жұмыс істемеуі себеп болған. Айта кетейік, зардап шеккендер жоқ.
«Ұшақта 86 жолаушы мен 4 экипаж мүшесі болған», — делінген хабарламада.
Сәрсенбі, 15 қаңтарда Red Wings ұшағы Астанаға ұшып, кейін Екатеринбургке оралғаны белгілі болды.