Фотосуреттің авторы: Құрманғазы аудандық әкімшілігі
Аудандағы 60 пәтерлік тұрғын үй кешеніне рейд жүргізілді, деп хабарлайды Turantimes.kz тілшісі.
Мемлекеттік тұрғын үй қорынан жалға алынған үйлердің мақсатты пайдаланылуын тексеру мақсатында аудан әкімдігі кезекті рейд жүргізді. Аудан әкімдігінің баспасөз қызметінен белгілі болғандай, бұл жолы кезекті тексеру жұмыстары Қадырқа елді мекені, Астана 18, 22, 26 көшелерінде орналасқан көпқабатты пәтерлерден басталып, тұрғындардан арыз-шағымдар түскен.
Рейд жүргізіп жатқандар алдымен пәтер иелерінің мемлекеттік бағдарлама арқылы заңды түрде жалға алынғанын тексерді.
Себебі, кейбір азаматтар мемлекеттік бағдарлама бойынша пәтер алғанымен, онда тұрудың орнына пәтерді жиі жалға береді.
Тексеру барысында заңды бұзған 23 пәтер иесі анықталып, оның 8-і хаттамаға алынды.
Анықталған үй иелеріне ескерту жасалып, мемлекеттік бағдарлама бойынша берілген баспананы пайдаланбай, басқаларға жалға беру заңды бұзу болып табылатыны түсіндірілді.
Тұрғын үйді жалдау шартының ережелеріне сәйкес жалға алушы: қазіргі уақытта пайдаланудағы үйді (пәтерді, бөлмені) басқа жалға алушыға береді; Бұл келісім-шарттың талабы бойынша тұрғын үй-коммуналдық шаруашылықты пайдаланғаны үшін көрсетілген сомада жедел түрде төлеуге міндетті екені айтылады.
Құзырлы орган өкілі: «Құрметті пәтер иелері, сізден жалдамалы үйді тиімді пайдаланып, жарық пен суды уақытылы төлеп, көпқабатты үйдің маңайындағы тазалықты сақтауды сұраймыз.