Сирияның қауіпсіздік қызметкерлері республиканың үшінші үлкен қаласында бұрынғы президент Башар Асадтың қарулы жақтастарын іздеп жатыр. Бұл туралы Associated Press (AP) жазады.
«Соңғы бірнеше аптада Асадтың барлау және қауіпсіздік аппаратының шенеуніктері ұсталды», — делінген құжатта.
Айта кетейік, Сирияның басқа қалалары сияқты Хомста да Асад тұсында қызмет еткен бұрынғы сарбаздар мен қауіпсіздік қызметкерлері қаруларын өз еркімен тапсыра алатын орталықтар бар. Одан бас тартқандарды барлау қызметкерлері іздейді.
28 қарашада Сириядағы қарулы оппозиция топтары Алеппо облысының батыс аймағындағы үкімет әскерлеріне қарсы ірі шабуыл жасады. Нәтижесінде Алеппо, Хомс, Хама және Дамаск қалаларын бақылауға алды. Сирия армиясының қолбасшылығы Асад билігі «аяқталды» деп мәлімдеді.
Ресей Сыртқы істер министрлігі Асадтың «билікті бейбіт жолмен беруді жүзеге асыруға нұсқау беріп», мемлекет басшысы лауазымын тастап, Сириядан кетуге шешім қабылдағанын хабарлады. Кейінірек Сирияның бұрынғы президенті Мәскеуге отбасы мүшелерімен келгені белгілі болды. Кремль Ресей президенті Владимир Путин Асадқа баспана беруге жеке шешім қабылдағанын айтты.