АСАНА, 23 желтоқсан. Қазақстанда 12 адамның өмірін қиған Bek Air Fokker 100 ұшағының апатына қатысты тергеу қайта жандануы мүмкін. Бұл туралы республиканың көлік министрі Марат Қарабаев мәлімдеді.
«Тергеу аяқталды, бірақ қазір авиакомпания қызметкерлерінің бірінің өтініші бар, оған сәйкес тергеуді қайта бастау мәселесі процессуалдық түрде қаралуда», — деді Қарабаев журналистерге.
2024 жылдың сәуірінде Қазақстанның бас көлік прокуратурасы Bek Air ұшағының апатқа ұшырауына қатысты қылмыстық іс бойынша тергеу амалдары аяқталып, процеске қатысушылар сотқа дейінгі тергеу құжаттарымен танысып жатқанын хабарлады. Прокуратура Информбюро басылымына түсіндіргендей, тергеу ұшақ апатының абайсыздықтан болғанын анықтады. Алайда, прокуратура күдіктілердің аты-жөнін және тергеудің басқа да мәліметтерін жарияламады.
2019 жылдың 27 желтоқсанында Алматы – Нұр-Сұлтан бағыты бойынша ұшатын Bek Air Fokker 100 ұшағы көтерілу кезінде биіктіктен айырылып, бетон қоршаудан өтіп, екі қабатты ғимаратқа соғылды. Ұшақта 98 адам, оның ішінде 5 экипаж мүшесі болған. Оқиға салдарынан 12 адам қаза тапты.
Билік өкілдерінің айтуынша, ұшақтың құлауы жердегі көктайғақ салдарынан қанатының көтеру қабілетін жоғалтқандықтан болған.