Суретті түсірген: Primeminister.kz
Энергетика министрлігінің баспасөз қызметінде атап өтілгендей, бүгін ЕЕлдің электр энергетикасы кәсіпорындары еліміздің өнеркәсібі мен мемлекеттік секторының қажеттіліктерін электр және жылу энергиясымен тұрақты қамтамасыз етуде, деп хабарлайды Turantimes.kz.
Еліміздегі электр станцияларында 2024 жылға дейін 10 энергоблокты, 55 қазандықты және 45 турбинаны күрделі жөндеу жоспарлануда. Жөндеу жұмыстары 9 энергоблок, 53 қазандық, 39 турбинаға аяқталды. Соңғы кезеңде 1 энергоблок, 2 қазандық және 6 турбинаға жөндеу жұмыстары жүргізілуде.
ӨЭК электр желілерінде 20,7 шақырым желі, 422 трансформаторлық станция және 4 мың қосалқы станция жөнделді.
Жылумен қамту желісі бойынша ағымдағы жылға жоспарланған 542 шақырымды жөндеу және қайта жаңғырту жұмыстары толығымен аяқталды.