Суретті түсірген: Polisia.kz
Ақмолалық полицейлер Бурабай мемлекеттік ұлттық саябағының аумағында 600 келіден астам балықпен браконьерлерді қолға түсірді, деп хабарлайды Turantimes.kz Polisia.kz сайтына сілтеме жасап.
Полиция қызметкерлері Бурабай мемлекеттік ұлттық паркі қызметкерлерімен бірге Біржан Сара ауданында орналасқан Жүкей көлінде заңсыз балық аулаған браконьерлердің әрекетін тоқтатты.
Рейд барысында үш адам қамауға алынды. Қытайда жасалған үрлемелі қайықтар мен торлар тәркіленді. Браконьерлер 600 келіден астам алтын тұқы мен 8 келі мөңке балығын аулады.
Аталған факті бойынша сотқа дейінгі іс қозғалды. Істі тергеудің толықтығы мен объективтілігін қамтамасыз ету мақсатында жедел-іздестіру шаралары жүргізілуде.