Фотосурет көзі: видеодан алынған
Аталған факті бойынша сотқа дейінгі тергеу жүргізілді, деп хабарлайды Turantimes.kz Жамбыл облыстық полиция департаментінің баспасөз қызметіне сілтеме жасап.
16 қыркүйек күні сағат 18:30-да «Батыс Еуропа – Батыс Қытай» республикалық тас жолының 526-шақырымында адам өліміне әкеп соқтырған жол-көлік оқиғасы орын алды.
Облыстық полиция департаментінің мәліметінше, Cadillac Escalade жүргізушісі басып озу кезінде қарсы бағытқа шығып кетіп, қарсы бағытта келе жатқан DAF жүк көлігімен соқтығысқан.
Содан кейін Cadillac Escalade өз жолағына шығып кетіп, басып озып келе жатқан Газель көлігімен соқтығысқан. Соқтығысқаннан кейін екі көлік те бірден отқа оранды.
Апат салдарынан 37 жастағы Газель жүргізушісі, 30 жастағы Cadillac Escalade жүргізушісі және 5 жолаушы, оның ішінде 2 жасар бала оқиға орнында көз жұмды.
Бұл жазбаны Instagram-дан қараңыз