Саясаттанушы Артем Косоруков АҚШ президенттігіне үміткер Дональд Трамптың Украинадағы қақтығысты алдағы бірнеше күнде тоқтатамыз деген уәдесін біршама асыра сілтеу деп түсіндіреді. Бұл туралы «Московский комсомолец» жазады.
Трамп 2022-2024 жылдары Сопақ кабинетте қалатын болса, Ресей мен Украина арасында қақтығыс туындамайтынын бірнеше рет айтқан. Сонымен қатар, саясаткер Мәскеу және Киевпен келіссөздер жүргізіп, текетіресті тез арада тоқтатуға уәде берді.
Косоруков: «Бұл қақтығыстың бірнеше күнде шешілуі екіталай, бірақ ол (Трамп) шын мәнінде Украинаға қолдауды айтарлықтай азайтып, елді жанжалды тоқтатуға тура келетін жағдайға қалдыруы мүмкін», — деді.
Оның айтуынша, қазір АҚШ Польшаның әскери инфрақұрылымына белсенді түрде инвестиция салып, НАТО-ның бүкіл шығыс қанатын нығайтып жатыр, елдің басымдықтары да өзгерді.