Фото: Turan Times
Қазақстандық студенттердің ата-аналары чаттар мен әлеуметтік желілерде тараған хабарламаларға алаңдап отырғанын Turantimes.kz тілшісі хабарлады.
15 қыркүйектен бастап бүкіл ел бойынша бетперде кию режимі қолданылып, студенттер қашықтан оқытуға жіберіледі. Stopfake.kz ресми түрде бұл ақпаратты жоққа шығарды. Бұл ақпаратқа қатысты ҚР Санитарлық-эпидемиологиялық бақылау комитеті өз пікірін білдірді.
«Messenger-те 15 қыркүйектен бастап балалар мектепке қашықтан жіберіледі және нысандарда бетперде киіледі деген ақпарат шындыққа жанаспайды.
Жыл сайын эпидемиялық маусымда Қазақстан Республикасы Мемлекеттік санитарлық бас басқармасының профилактикалық және эпидемияға қарсы іс-шараларды жүзеге асыру туралы қаулысы қабылданады. Қаулыға сәйкес, биылғы жылдың 15 қыркүйегінен бастап тұмауға қарсы екпе басталады. Маска кию режимі тек медициналық мекемелердің қызметкерлеріне ғана енгізіледі.
Қаулы туралы толығырақ ҚР Денсаулық сақтау министрлігі Санитарлық-эпидемиологиялық бақылау комитетінің сайтында мына сілтеме бойынша оқи аласыздар.
Әрбір азаматты ресми ақпарат көздерінен алынған сенімді ақпаратқа сенуге шақырамыз», — деп хабарлады ҚР Санэпид бақылау комитетінің баспасөз қызметі.