Фото авторы: Амандық САҒЫНТАЙҰЛЫ
Атырау облысында 5576 шекара бекетінен әскерге шақырылған азамат қашып кеткенін Turantimes.kz тілшісі хабарлады.
Ақпарат көздеріне сүйенсек, Атырау облысы Исатай ауданында орналасқан 5575 әскери бөлімінен әскерге шақырылған азамат қашып кеткен. Кейін оны Атырау облысы Ұлттық қауіпсіздік департаментінің шекарашылары қолға түсірді. Бұл туралы «atyrauoill» Telegram арнасы жазды.
«Сарбаз тұтқынға алынды. «Қашу себебі анықталуда, бірақ оның дедовщинаға еш қатысы жоқ», — деді дереккөз.
Естеріңізге сала кетейік, бұл шекара өткелі 2018 жылдың желтоқсан айында ашылған. Атырау облысы билігінің қолдауымен шекарашыларға арналған 50 орындық модульдік ғимарат салынғаны хабарланған болатын. Шекара учаскесі қазақтың атақты халық батыры Исатай Таймановтың есімімен аталады.
Бұған дейін жаңа шекара заставасында Жанбай стансасында техникалық бақылау радиолокациялық станциясы болған.
Сонымен қатар, ағымдағы жылдың мамыр айында Атырау гарнизонынан әскерге шақырылған азамат қару алып қашып кеткен. Әскерилер де, полиция қызметкерлері де қашқынды қолға түсірмек болған. Бірақ қару қолданғаннан кейін оған «Арлан» арнайы жасағы мен Ұлттық қауіпсіздік комитетінің қызметкерлерін тартуға тура келді.