Фото авторы: Амандық САҒЫНТАЙҰЛЫ
Primeminister.kz сайтының хабарлауынша, Үкімет басшысы Олжас Бектенов республикалық бюджеттің параметрлерін айқындау кезіндегі ең маңызды міндет мемлекет қаржысының теңгерімділігін қалпына келтіру екенін атап өтті. Осыған байланысты Үкіметтің алдағы уақыттағы іс-әрекеті қарыздарды, активтерді және тұтастай алғанда мемлекеттің бүкіл ақша ағынын шоғырландыруды көздейді.
«Үкімет ұлттық экономиканың сапасы мен серпінділігін дамыту үшін салық-бюджет, ақша-несие және салалық саясатты үйлестіру бойынша күш-жігерін жалғастырады. Ұсынылып отырған республикалық бюджет жобасы мемлекеттің барлық әлеуметтік міндеттемелерін толық және уақтылы орындауға бағытталған. Біздің алдымызда бюджет қаражатын тиімді пайдалану міндеті тұр», — деп атап өткен Олжас Бектенов отырысқа қатысушыларға ұсынылған әдістерді қабылдап, дауыс беруді ұсынды. Заң жобалары бірауыздан қолдау тапты.
Экономика және Қаржы министрлiктерi Үкiмет Аппаратымен бiрлесiп Қазақстан Республикасының Ұлттық Жиналысына заң жобаларын және әлеуметтiк-экономикалық даму болжамдарын енгiзудi қамтамасыз етуге жiберiлсiн.