Суретті түсірген: Akorda.kz
Мемлекет басшысы Қазақстанға Орталық Азия мемлекеттері басшыларының VI Консультативтік конференциясына қатысу үшін келген Сердар Бердімұхамедовпен келіссөздер жүргізді, деп хабарлайды Turantimes.kz.
Мемлекет басшысы Түрікменстан Президентіне Саммитке қатысқаны үшін алғыс айтып, оның сапарының елдер арасындағы көпқырлы әріптестікті одан әрі ілгерілету тұрғысынан маңыздылығын атап өтті.
«Қазақстан-Түркіменстан қарым-қатынастары табысты дамып келеді және стратегиялық әріптестік деңгейіне толық сәйкес келеді. Мемлекеттеріміз арасындағы жан-жақты қарым-қатынасты нығайтуға деген ынта-жігеріңіз бен қолдауыңыз үшін Сізге алғысымды білдіргім келеді. Жоғарыда айтқанымдай, экономикалық ынтымақтастық жоғары бағытта дамып келеді. Үкіметтер екіжақты тауар айналымының көлемін 1 миллиард долларға дейін ұлғайту үшін жұмыс істеп жатыр. Бұл үшін біздің елдеріміздің барлық мүмкіндіктері бар. Энергетика, өнеркәсіп, көлік, логистика және басқа да салалардағы бірнеше жобалар жүзеге асырылу сатысында. Өзара мәдени-гуманитарлық алмасуға жәрдемдесу– деді Мемлекет басшысы.
Өз кезегінде Сердар Бердімұхамедов Қасым-Жомарт Тоқаевқа жылы қабылдауы үшін алғыс айтып, екіжақты ынтымақтастықтың қарқынды дамып келе жатқанын атап өтті.
«Түрікменстан Қазақстанмен ынтымақтастыққа үлкен мән береді. Біздің елдеріміз арасында белсенді саяси диалог орнатылып, сауда-экономикалық, мәдени-гуманитарлық салалардағы қарым-қатынастар артып келеді. Құрметті Қасым-Жомарт Кемелұлы, осы күзде Түркіменстанға ресми сапармен келуіңізді және түркімен ақыны Магтымгулы Фрагидің туғанына 300 жыл толуына арналған халықаралық форумға қатысуыңызды күтеміз.», — деді Түркіменстан президенті.
Кездесу барысында мемлекет басшылары сауда-экономика, энергетика, мұнай-газ, көлік және логистика салаларындағы Қазақстан-Түркіменстан ынтымақтастығын дамыту перспективаларын талқылады. Мәдени-гуманитарлық байланыстарды кеңейту мәселелеріне ерекше көңіл бөлінеді.